ನನ್ನ ಮರೆತುಬಿಡು ನಲ್ಲ

ಏ ಹುಡುಗಿ ಇಂದು ಜಗತ್ತೇ ಕರೆಯುತ್ತಿದೆ ನನ್ನ ಹುಚ್ಚ,

ಏಕೆ ನನ್ನ ಸುಟ್ಟುಬಿಟ್ಟೆ ನನ್ನೆದೆಗೆ ಹಚ್ಚಿ ಪ್ರೀತಿಯ ಕಿಚ್ಚ. 

ಆರಂಭದಲ್ಲಿ ಮಾತ್ರ ನಿನಗೆ ನಶೆ ಏರಿಸಿತ್ತೆ ನನ್ನ ಪ್ರೀತಿ,

ನಾನಿನ್ನು ಆ ಅಮಲಿನಲ್ಲಿರಲು ನಿನಗೆ ಹೇಗೆ ನೆನಪಾಯ್ತು ಜಾತಿ. 

ಇನ್ನೂ ಇದೆ ನನ್ನಲ್ಲಿ ಆ ದಿನಗಳಲ್ಲಿ ನೀ ಕೊಟ್ಟ ಪ್ರೇಮದ ಓಲೆ,

ಓದಿದಾಗಲೆಲ್ಲ ನಿನ್ನ ಸ್ವಾರ್ಥದ ನೆನಪಾಗಿ ಕುದಿಯುತ್ತಿದೆ ನನ್ನೆದೆಯಲ್ಲಿ ಜ್ವಾಲೆ. 

ಬೇಜಾರು ನನಗೆ, ಇಂದು ನಾ ಬದುಕುತ್ತಿರುವ ಬದುಕು ನನದಲ್ಲ,

ಹೀಗಾಗಲು ಕಾರಣ, ನೀನಾಡಿದ ಮಾತು "ನನ್ನ ಮರೆತುಬಿಡು ನಲ್ಲ".  

- ಹರ್ಷ ಹೆಮ್ಮಾಡಿ.