ರೂಪಾಯಿ ಮೌಲ್ಯ

ಮನದ ಮುಗಿಲಾಚೆಗೆ ಎಂದೂ ಕಾಣದ ಸ್ವಪ್ನ,

ಗಾಢ ನಿದ್ದೆಯಲ್ಲೂ ಬೆಚ್ಚಿಬಿದ್ದೆ ಕಂಡು ಆ ದುಸ್ವಪ್ನ.

ಕ್ಷಣಕ್ಷಣಕ್ಕೂ ಡಾಲರ್ ಎದುರು ಕುಸಿಯುತ್ತಿತ್ತು ರೂಪಾಯಿ ಮೌಲ್ಯ,

ಏರಿಕೆಗೆ ಭಾರತೀಯರೆಲ್ಲರೂ ಕಾಯುತ್ತಿದ್ದರು ರಾಮನಿಗೆ ಕಾದಂತೆ ಅಹಲ್ಯಾ. 

ಕಾರಣಕರ್ತರು ಅಟ್ಟಹಾಸದಿಂದ ನಗುತ್ತಲೇ ಇದ್ದರು,

ಕಾರಣ ತಿಳಿಯದ ಜನಸಾಮಾನ್ಯರು ಹಸಿವೆಯಿಂದ ಬಿದ್ದರು. 

ನಾ ಸೂತ್ರ ಕಂಡುಹಿಡಿದಂತೆ ಮೌಲ್ಯ ಏರಿಸಲು ಕಾಸಿಗೆ,

ಸೂತ್ರ ಮಂಡಿಸುವುದರೊಳಗೆ ನೆಲಕ್ಕುರುಳಿಸಿ ಎಚ್ಚರಿಸಿತು ನಾ ಮಲಗಿದ್ದ ಹಾಸಿಗೆ.

- ಹರ್ಷ ಹೆಮ್ಮಾಡಿ.