ಯಾರದೋ ಹಾಳೆಯ
ಮೇಲೆ ಕಥೆ ಬರೆಯುತ್ತಿದ್ದ ನನಗೆ,
ಗೊತ್ತಾಗಿದ್ದು
ಅವರ ಹೆಸರಲ್ಲೇ ಪ್ರಕಟವಾದಮೇಲೆ ಕೊನೆಗೆ.
ಎಲ್ಲಿಯೋ
ಹುಟ್ಟಿ ಇನ್ನೆಲ್ಲಿಯೋ ಬೆಳೆಯುತ್ತೇವೆ,
ಯಾವುದನ್ನೋ
ಬಯಸಿ ಇನ್ನ್ಯಾವುದನ್ನೋ ಪಡೆಯುತ್ತೇವೆ.
ನನ್ನ ಮೇಲೆ
ನನಗಿಲ್ಲ ಇದುವರೆಗೆ ಯಾವ ಅನುಮಾನ,
ನನ್ನದು ಯಾವುದಕ್ಕೂ
ಹೆಚ್ಚು ತಲೆಕೆಡಿಸಿಕೊಳ್ಳದಿರುವ ಜಾಯಮಾನ.
ಯಾವತ್ತೂ
ನನಗೆ ನಾ ಬಯಸುವುದೆಲ್ಲಾ ತುಂಬಾ ತಡವಾಗಿ ಸಿಗುತ್ತೆ,
ಇವತ್ತೂ ಅದೇ ನಂಬಿಕೆ ನನ್ನದದು ನನ್ನ ಬಳಿ ಬಂದೇ ಬರುತ್ತೆ.
- ಹರ್ಷ ಹೆಮ್ಮಾಡಿ.
No comments:
Post a Comment