ನೊರೆಹಾಲಿಗಿಂತ
ಬಿಳುಪು ಅವಳ ಮನಸ್ಸು,
ನೀರಿನ ಗುಳ್ಳೆಗಿಂತ
ಅಲ್ಪಾಯುಷಿ ಅವಳ ಮುನಿಸು.
ಮೈಲಿಗಟ್ಟಲೆ
ಕನಸು ಹೆಣೆದುಕೊಂಡಿರುವೆನು ನಿನ್ನ ಸುತ್ತಲು,
ಮೈಮನಕ್ಕೆ
ಅದೇನೋ ಕಾತುರ ದಿನ ಆಗುತ್ತಿದ್ದಂತೆ ಕತ್ತಲು.
ಕಾಯುವವನಲ್ಲ
ನಾನ್ಯಾರಿಗೂ ಕಾಯಿಸುವುದಿಲ್ಲ ನಾ ಯಾರನ್ನೂ,
ಅವಳು ಕಾಯಿಸಿ
ನನ್ನ ಮುಂಗೋಪಕ್ಕೆ ನಿರ್ಧರಿಸಿದ್ದಾಳೆ ಕಾಯಿಸಬಾರದಿನ್ನು.
ಬಾಯಿಬಿರಿಯುವಷ್ಟು
ಮಾತಾಡಬೇಕೆಂದುಕೊಳ್ಳುತ್ತೇನೆ ನಾ ನಿನ್ನ ಹಿಂದೆ,
ಬಾಯಿಬಾರದ
ಮೂಗ ನಾನು ನೀ ಬಂದರೆ ನನ್ನ ಮುಂದೆ.
- ಹರ್ಷ ಹೆಮ್ಮಾಡಿ
No comments:
Post a Comment