ನಿನ್ನ ಭಾವಚಿತ್ರ
ನೋಡಿದಾಗಿಂದ ಕಣ್ತುಂಬಾ ತುಂಬಿಹುದು ಆ ಪ್ರತಿರೂಪ,
ರೆಪ್ಪೆ ಬಿಡಿಸಲು
ಮನಸಾಗುತ್ತಿಲ್ಲ ಹೀಗಾಗಿದ್ದು ಬಹಳ ಅಪರೂಪ.
ಹೇಳಿದ್ದೆ
ನಿನಗೆ ಬೇಡ ಈ ಸಲುಗೆ ಬರಬೇಡ ನನ್ನ ಸನಿಹ,
ನೋಡೀಗ ಏನಾಯ್ತು
ನಿನ್ನ ನೆನಪಲ್ಲಿ ಶುರುವಾಯ್ತು ವಿರಹ.
ಹಾಸ್ಯ ಇಷ್ಟಪಡುತ್ತಿದ್ದವನಿಗೆ
ಶ್ರಂಗಾರದತ್ತ ವಾಲುತ್ತಿದೆ ಮನ,
ನನಗೆ ತುಂಬಾ
ಹತ್ತಿರವಾಗಬೇಡ ನಾ ನನ್ನೇ ಮರೆಯುವ ಭಯ ಪುನಃ.
ಎದೆಬಡಿತ
ಹೆಚ್ಚುತ್ತಿದೆ ಬಂದಾಗಲೆಲ್ಲಾ ನಿನ್ನ ನೆನಪು,
ನೀ ಎದುರಿಗೆ
ಬಂದರೆ ಕಲ್ಪನೆಗೂ ನಿಲುಕದ ಹೊಳಪು.
- ಹರ್ಷ ಹೆಮ್ಮಾಡಿ.
No comments:
Post a Comment