ಸಂಜೆ

ನಿನ್ನ ನೆನಪಿಸಲು ಮತ್ತೆ ಮತ್ತೆ ಯಾಕೆ ಬರುತ್ತೆ ಈ ಸಂಜೆ,

ಗೆಳತಿ ನೀನಿಲ್ಲದ ಸಂಜೆ ಕಳೆಯುವುದೇ ನನಗೊಂದು ಸಜೆ.

ಹಗಲಲ್ಲಿ ಹಿಡಿದಿಟ್ಟಿರುವ ಆಸೆಗಳು ಸಿಗದ್ಯಾಕೆ ಸಂಜೆ ಹತೋಟಿಗೆ,

ಕೊಡಬಹುದೇ ಪರಿಹಾರ ನಲ್ಲೆ ನೀ ನನ್ನ ಈ ಪಚೀತಿಗೆ.

ಅಪರೂಪಕ್ಕೆ ಮರುಭೂಮಿಯಲ್ಲಿ ಕಾಣುವ ಮರೀಚಿಕೆ ಹಾಗೆ,

ನೀ ಬಂದುಹೋದ ಈ ಬಾಳಲ್ಲಿ ಈಗ ಬರೀ ವಿರಹದ ಬೇಗೆ.

ಗೊತ್ತಿಲ್ಲ ನನಗೆ ಹೀಗ್ಯಾಕೆಂದು ನಿನ್ನ ನೆನಪು ಬಂದರೆ ಸಾಕು,

ಕನಸಲ್ಲಾದರೂ ಒಮ್ಮೆ ಬಂದು ಈ ನೋವುಗಳ ದೂರನೂಕು.

- ಹರ್ಷ ಹೆಮ್ಮಾಡಿ.