ಕಾಣುವ ತವಕ

ನನ್ನ ತಿಜೋರಿಯ ಮೂಲೆ ಸೇರಿದ ನಿನ್ನ ಭಾವಚಿತ್ರಗಳು,

ಇಂದು ನೋಡಿದರೂ ಕೂಡ ಒದ್ದೆಯಾಗುತ್ತವೆ ಕಣ್ಣಾಲೆಗಳು.

ಇಂದಿಗೂ ನನಗೆ ತಿಳಿದಿಲ್ಲ ಒಲವೇ ನಾವು ಬೇರ್ಪಟ್ಟ ಕಾರಣ,

ತಿಳಿದರೆಷ್ಟು ತಿಳಿಯದಿದ್ದರೆಷ್ಟು ಆಗೋಗಿದೆ ಭಾವನೆಗಳ ಹರಣ.

ಬ್ರಹದಾಕಾರದ ಸಮುದ್ರದಲೆಗಳಿಗೆ ಎದೆಯೊಡ್ಡಿ ನಿಲ್ಲಬಲ್ಲೆ,

ಆದರೆ ನಿನ್ನ ನೆನಪಿನ ಅಲೆಗಳಲ್ಲಿ ಕೊಚ್ಚಿಹೋಗುತ್ತಿದ್ದೇನೆ ನಲ್ಲೆ.

ಮತ್ತೊಮ್ಮೆ ನಿನ್ನ ಬೇಟಿಯಾಗುವೇನೋ ಇಲ್ಲವೋ ಗೊತ್ತಿಲ್ಲ,

ಆದರೆ ನಿನ್ನ ಕಾಣುವ ತವಕ ಮಾತ್ರ ಎಂದಿಗೂ ಸಾಯಲ್ಲ.

- ಹರ್ಷ ಹೆಮ್ಮಾಡಿ.